Qindra fermerë portugezë iu bashkuan lëvizjes protestuese të kolegëve të tyre evropianë duke kërkuar njohjen e vlerës së aktivitetit të tyre dhe bllokuan disa rrugë mëngjesin e sotëm duke përfshirë dy autostrada drejt kufirit me Spanjën.
“Po e kemi shumë të vështirë të mbijetojmë”, i tha AFP Rui Souza, 58 vjeç, i cili mori pjesë në një tubim të dhjetëra fermerëve në Golega, në qendër të vendit.
Lexo edhe :
Related Posts
“Fermerët e kanë shumë të vështirë të jetojnë. Ata shesin prodhimet e tyre për disa cent dhe dyqanet bëjnë pasuri”, komentoi Ramiro Carvalho Alves, një ndërtues 48-vjeçar i cili u bllokua pas traktorëve.
Dy autostrada mbetën të bllokuara në të dy drejtimet pranë kufirit me Spanjën në Vilar Formoso (veri) dhe Elba (në jug), tha xhandarmëria, duke shtuar se bllokime rrugësh po ndodhnin gjithashtu pranë në Samouska dhe Golega, në Rajoni Santarem (në qendër).
Kjo ditë mobilizimi ka nisur dje me thirrjen për mobilizim nga fermerët e Portugalisë, e paraqitur si një nismë spontane dhe jo partiake.
Nisma nuk mbështetet nga organizata më e madhe në këtë sektor, Konfederata e Fermerëve Portugez (CAP), në masën që kjo e fundit beson se qeveria është angazhuar të rishikojë shkurtimet e propozuara.
Në përpjekje për t’iu përgjigjur pritshmërive të fermerëve, qeveria njoftoi dje, të mërkurën, masat mbështetëse me vlerë rreth 500 milionë euro, kryesisht për t’i ndihmuar ata të përballen me efektet e thatësirës që po prek veçanërisht pjesën jugore të vendit.
Masat përfshijnë edhe uljen e taksës për naftën bujqësore.
Pavarësisht masave të Brukselit, ku sot po takohen liderët europianë, zemërimi i fermerëve në Bashkimin Europian nuk ka rënë, veçanërisht në Francë ku bllokadat e akseve strategjike rrugore pritet të vazhdojnë për të katërtën ditë. /vizionplus.tv
