Presidenti Meta dekreton 7 ambasadorë të rinj

Kreu i shtetit Ilir Meta firmosi lirimin e gjashtë ambadasorëve dhe dekretoi emërimin e shtatë diplomatëve të tjerë. Vendimi është bërë publik në Faqen Zyrtare të Presidencës.

Donika Hoxha do të jetë ambasadorja e Shqipërisë në Bullgari. Diplomatja e dytë e dekretuar nga kreu i shtetit është Elida Petoshati që do të jetë në krye të marrëdhënieve diplomatike me Danimarkën.

Mes emrave të ambasadoërve të emërruar është edhe Virgjil Kule në Suedi, Riza Poda në Kroaci e Rezar Bregu në Brazil. Diplomacia në Mal të Zi i është besuar Ridi Kurtezit, ndërsa në ambasadori i Shqipërisë në Çeki dot ë jetë Ilirian Kuka.