Pensionistët dhe minatorët protestojnë para Parlamentit/ Përplasen me policinë: Mos prekni me dorë, hapni rrugën

Pensionistë dhe minatorë po protestojnë këtë të enjte  para Kuvendit, pak minuta para nisjes së seancës plenare. Ata kërkojnë njëzëri rritje të pensioneve, por edhe miratimin e statusit të minatorit.

Protestuesit pasi i kërkuan policisë që të hapte rrugën, janë konfrontuar me këtë të fundit.

“Na hapni rrugën. Mos na prekni me dorë”, dëgjohet teksa thotë një nga protestuesit. Ndërkohë një tjetër iu drejtohet forcave të policisë se; ‘turp të keni!’.