Policia ka gjetur një automjet tip “Range Rover” në Durrës, mjet i cili dyshohet të ketë lidhje me pengmarrjen e ndodhur në Kamëz të premten.
Sipas informacioneve, mjeti është i bardhë dhe pa targa. Brenda tij nuk janë gjetur të dhëna që të çojnë në kapjen e autorëve të pengmarrjes, por mësohet se policia dyshon që mjeti t’u përkasë atyre.
Bëhet me dije se mjeti është djegur vetëm pak orë pasi u mor peng Jan Prenga në rrugën “Londër” në Kamëz në 17 janar, por lajmi nuk është bërë i ditur për të ruajtur sekretin hetimor.
