Sulmeve të bëra nga kryeministri Edi Rama sot në Rrogozhinë, Partia Demokratike iu përgjigj duke thënë se ka frikë nga qytetarët shqiptarë.
“Rama nuk ka frikë për koronavirusin. Ai ka frikë nga qytetarët shqiptarë që duan ndryshimin pas 8 vitesh dështime të tij. Është koha që Shqipëria të fitojë dhe Rama të humbasë”, thuhet në postimin e shpërndarë nga selia blu.
Kreu i qeverisë e ka kritikuar dhe paralajmëruar shpeshherë liderin demokrat për takimet elektorale, duke grumbulluar njerëz për fushatë, e duke i rrezikuar nga infektimi.
