Parakalim i gabuar, shoferi i motorit përplaset me trailerin në autostradën Levan-Vlorë, dy të lënduar

Dy persona kanë mbetur të lënduar si pasojë e një aksidenti të ndodhur paraditen e sotme në autostradën Levan-Vlorë, në afërsi të “Urës së Mifolit”.

Shoferi i një motori ka tentuar të parakalojë, por ka humbur kontrollin dhe është përplasur me një automjet të tonazhit të rëndë, trailer.

Si pasojë e përplasjes së fortë drejtuesi dhe pasagjeri i motorit kanë mbetur të lënduar.

Ata janë transportuar menjëherë drejt spitalit ndërsa në vendngjarje ndodhet policia dhe grupi hetimor për të zbardhur dinamikën e aksidentit në fjalë./vizionpolus.tv