Në një takim me kryebashkiakët e vendit, Kryeministri Edi Rama u ndal te “Paketa e Maleve”, një iniciativë që synon të tërheqë investime dhe kursime nga shqiptarët jashtë atdheut. Rama shprehu pakënaqësinë e tij për mosfinalizimin e fazës së parë nga disa bashki.
“Sot që flasim, jo të gjitha bashkitë e kanë përfunduar fazën e parë të paketës së maleve. Është e papranueshme. Në momentin që paketa u shpall në faqet zyrtare, pati mbi 700 interesime nga shqiptarë jashtë vendit,” tha Rama, duke nënvizuar rëndësinë e këtij projekti si një mënyrë e sigurtë për të tërhequr kursimet dhe investimet e diasporës.
Rama:
Sot që flasim, jemi ende në kushtet që jo të gjitha bashkitë e kanë kryer fazën e parë të Paketës së Maleve. Është e papranueshme. Nuk e di a e patë, por në momentin që Paketa e Maleve u shpall në website, kishte mbi 700 interesime nga shqiptarë jashtë atdheut. Është një mënyrë e sigurtë për të tërhequr kursimet e shqiptarëve jashtë atdheut dhe gjithashtu shqiptarët jashtë atdheut.
Pse nuk ka mbaruar faza e parë? Çfarë shkence po bëni? I kam kërkuar drejtoreshës së Agjencisë Kombëtare të Planifikimit që të jetë në dispozicion për çfarë keni nevojë. I kam kërkuar Ministrit Demo të vendosë një target për çdo bashki. Duhet të kemi 1000 investime. I kam kërkuar ministrit të përcaktojë se sa investime do jenë futur në proces kur secili prej jush të rikandidojë. Nuk do të ketë asnjë rikandidim nëse nuk do të jetë arritur targeti i këtij projekti. Është plotësisht e mundshme.
/vizionplus.tv
