Prokuroria e Kurbinit nisi hetimet për 7 pallate të dëmtuara në Laç nga tërmeti i 26 nëntorit.
Sipas eksperteve pas lëkundjeve të forta të një jave më parë këto ndërtesa 5 katëshe janë bërë të pabanueshme.
Një nga pikat kryesore që do hetohet është nëse janë bërë ndërhyrje në strukturat mbajtëse të pallatëve për ndërtim dyqanesh apo lokalesh në katet e para.
Prokuroria siguroi se në cilesinë e provës materiale janë marrë pjesё tё lёndёs sё ndërtimit tё pallateve si tulla, llaç lidhës ndërmjet tullave, beton tё kolonave dhe kampione suvatime.
Sekuestrime ndërkohë janë bërë në zyrat e urbanistikës për projektet, lejet e ndërtimit dhe aktet e kolaudimit.
Pas verifikimeve të shumta në terren nga ekspertë shqiptar dhe të huaj u vendos së pallatet në lagjen 3 në Lac do të shemben pasi kishte dëmtime të shumta si plasaritje, shembje tavani dhe suvaje.
Pas shembjes të gjitha banesat e prishura do të ndërtohen nga e para nga Turqia.