Kryeministri Edi Rama paralajmëroi se mazhoranca do të ndërmarrë ndryshime ligjore lidhur me çështjen e pezullimit nga detyra të zyrtarëve publikë që janë nën hetim penal.
Ndryshimet e pritshme të këtij neni parashikojnë moslejimin e pezullimit nga detyra të të gjithë funksionarëve, funksionet e të cilëve burojnë nga kushtetuta.
“Me vendimin që disponon pezullimin e ushtrimit të një detyre a shërbimi publik, gjykata i ndalon përkohësisht të pandehurit, plotësisht ose pjesërisht, veprimtarinë që lidhet me to. Kjo masë nuk zbatohet ndaj personave të zgjedhur sipas ligjit elektoral përfshi, Presidentin e Republikës, Kryeministrin, Anëtarët e Kabinetit Qeverisës, Avokatin e Popullit, Kreun e KLSH-së dhe Guvernatorin e Bankës së Shqipërisë”, thuhet në njoftim.
Juristi Kreshnik Myftari, i ftuar në studion e QUO VADIS tha se përfshirja e Presidentit, është një gabim i rëndë juridik.
Sipas tij, ndryshe qëndron rasti i kryeministrit, i cili ka detyra të përcaktuara qartë me ligj.
“Zgjedhja e presidentit njëherë është padituri e madhe juridike. Ndryshe qëndron tek kryeministri, se kryeministri ka edhe detyra ligjore. Të përfshish presidentin është një budallallëk”, tha Myftari.
/vizionplus.tv
