Kryetari i PD, Lulzim Basha ka shprehur ngushëllimet për ndarjen nga jeta të Presidentit të Parlamentit Europian, David Sassoli.
Përmes një mesazhi të shpërndarë në “Twitter”, lideri demokrat shkruan se Sassoli ishte mik i shqiptarëve dhe mbështetës i sinqertë i aspiratave të Shqipërisë në BE.
“Thellësisht i trishtuar për ndarjen nga jeta të David Sassoli, Presidentit të Parlamentit Europian, miku i mirë i shqiptarëve dhe mbështetës i sinqertë i aspiratës tonë kombëtare për integrimin europian. Ngushëllimet më të ndjera familjes, miqve dhe bashkëpunëtorëve të tij për këtë humbje pikëlluese. U prehtë në paqe”, nënvizon Basha.
