Reshjet e pandërprera të borës kanë vështirësuar qarkullimin e automjeteve edhe në Rrugën e Arbrit.
Shumë drejtues mjetesh e kanë patur të pamundur lëvizjen dhe shprehen se borëpastrueset nuk po munden ta mbajnë të hapur. Ndërsa policia nuk lejon levizjen e mjeteve që nuk kanë zinxhirë.
“Për shkak të reshjeve të dëborës në Rrugën e Arbrit, në Bypass, qarkullimi i automjeteve është ndaluar përkohësisht pasi i gjithë aksi po pastrohet nga borëpastueset. Shërbimet e Policisë Rrugore ndodhen në të dyja kahet e lëvizjes dhe nuk do të lejojnë asnjë drejtues mjeti të qarkullojë pa vendosur goma dimërore zinxhirë dhe deri sa rruga të pastrohet plotësisht nga kontraktorët. Policia e Rrugore apelon për të gjithë drejtuesit e mjeteve që të tregojnë kujdes të shtuar në drejtimin e mjetit, si dhe të shmangin lëvizjet e panevojshme në këtë aks.”
