U shua në moshën 80-vjeçare akademiku Kolec Topalli.
Gjuhëtari i njohur ndërroi jetë pasi vuante prej kohësh nga një sëmundje e rëndë. Anëtari i Akademisë së Shkencave profesor Kolec Topalli la pas një trashëgimi të pasur në fushën e gjuhësisë.
Ai është autor i dhjetëra botimeve të rëndësishme shkencore për shqipen.
Të premten ne ambientet e Akademisë së Shkencave do të zhvillohen homazhet për gjuhëtarin Kolec Topalli. Pas nderimit në Tiranë ai do të prehet në qytetin e Shkodrës.
