Ai provokon gjithnjë. Edhe përtej titullit të ri “Sanduic”, sjell një nëntitull: “A është mirë me qenë shqiptar?”
Kjo është pyetja që shtron publicisti Mustafa Nano në botimin e ri ku rrëfehet Shqipëria mes Greqisë e Serbisë.
Ngjarjet historike që nuk vendosen në një rend kronologjik nuk janë vetëm ato të fundit që kanë ngacmuar nacionalizmin e shqiptarëve dhe fqinjëve tanë.
Me parathënien e historianit Pëllumb Xhufi, “Sanduic” ngacmon jo vetëm përmes fakteve historike, por edhe studimeve albanologjike që vihen nën dritën e atyre ngjarjeve e elementëve që nuk janë prekur shumë në media.
E megjithatë në këtë libër shqiptarët nuk vijnë si viktima e as si heronj të një historie bashkëjetese në Ballkan.