Përfaqësuesja e Lartë e Bashkimit Europian Federica Mogherini zhvilloi të marten në Bruksel një takim me liderët e vendeve të Ballkanit Perëndimor në përfundim të mandatit të saj pesë vjeçar.
Gjatë takimit liderët bënë një bilanc të bashkëpunimit me BE, duke shprehur zhgënjimin për mosfillimin e negociatave.
FEDERICA MOGHERINI
PERFAQESUESE E LARTE E BE
Përfaqësuesja e Lartë dhe drejtuesit e Ballkanit Perëndimor shkëmbyen mendime mbi marrëdhëniet BE-Ballkan Perëndimor dhe zhvillimet në rajon. Ata shprehen keqardhje për vendimin e Këshillit Evropian për të mos hapur negociatat e pranimit me Maqedoninë e Veriut dhe Shqipërinë dhe ranë dakord që integrimi në BE i Ballkanit Perëndimor vazhdon të jetë një objektiv kryesor strategjik, në interes të përbashkët të Bashkimit Evropian dhe rajonit.
Sipas bashkimit europian liderët e vendeve të Ballkanit Perëndimor konfirmuan përsëri përkushtimin e tyre të fortë për perspektivën e BE-së, para së gjithash për përfitimin e qytetarëve të tyre.
Në këtë darkë mungonte kryeministri Rama, i cili gjatë ditës së djeshme ndodhej në Athinë.