Drejtoresha e AKSH, Mirlinda Karçanaj dhe zëvendës drejtoresha Hava Delibashi janë paraqitur ditën e sotme në ambientet e GJKKO-së për t’u njohur me masën e sigurisë.
Karçanaj dhe Delibashi ndodhen nën masën e sigurisë “Arrest në shtëpie”.
Në ambientet e GJKKO-së u paraqit edhe zëvendësdrejtori i Policisë së Tiranës, Erion Ismaili, i cili me urdhër të SPAK është pezulluar nga detyra.
Më 16 dhjetor, me kërkesë të Prokurorisë së Posaçme, BKH zhvilloi një operacion te Kodra e Diellit. Me urdhër të gjykatës u lëshuan disa masa sigurie. Bëhet fjalë për hetimet e kryera për abuzime të dyshuara me tenderë publikë në Agjencinë Kombëtare të Shoqërisë së Informacionit.
U caktua masa e sigurisë masë arrest shtëpie për drejtoreshën e AKSHI-t, Mirlinda Karçanaj.
Ndërkohë, masa “arrest me burg” është vendosur për dy biznesmenët, Ergys Agasi dhe Ermal Beqiraj, por këto masat nuk janë ekzekutuar pasi ata nuk janë gjetur në banesë.
Agasi dyshohet se është larguar disa javë më parë jashtë shtetit. Gjithashtu, është marrë masa e pezullimit nga detyra për zëvëndësdrejtorin e Policisë së Tiranës, Erjon Ismaili. Hetimet për këtë çështje kanë nisur rreth një vit më parë dhe po drejtohen nga prokurori i SPAK-ut, Bledar Maksuti.
Gjatë ditëve të fundit, hetuesit kanë marrë në pyetje rreth 25 zyrtarë të AKSHI-t, kryesisht anëtarë të Komisionit të Vlerësimit të Ofertave dhe të Komisionit të Shqyrtimit të Ankesave. Pritet një reagim zyrtar nga SPAK në lidhje me këtë operacion.
