Aksident automobilistik në rrugën nacionale Korçë-Ersekë, por fatmirësisht me pasoja vetëm në dëme materiale.
Të premten reth mesditës dy mjete janë përpasur midis tyre ndërsa udhëtonin në drejtime të kundërta.
Burime pranë ngjarjes bënë me dije se aksidenti ndodhi pranë fshatit Helmës që përfshihet në zonën e Kolonjës.
Një mjet minibus me pasagjerë I linjës Ersekë-Tiranë u përplas me një autoveturë. Sipas të dhënave të para, nuk ka asnjë person të lënduar por vetëm dëme materiale.
Policia që po heton ngjarjen tha se dyshimet e para janë se aksidenti u shkaktua prej daljes nga një lloj rruge dytësore I autoveturës e cila u përplas me minibusin e udhëtarëve.
Edhe vetë gjendja e vështirë e rrugës ku mjetet detyrohen të kontrollojnë shpejtësinë e tyre, mendohet se ka shmangur pasoja të rënda nga ky aksident automobilistik.
