Presidenti Ilir Meta e ka nisur edhe këtë të mërkurë, me sulme e ironi drejt kryeministrit Rama.
Pas akuzave të forta dhe tensionit të ndjeshëm në konferencën e fundit për shtyp ditën e martë në konferencë për shtyp, kreu I shtetit ka vijuar ngacmimet në distancë ndaj ish aleatit të tij. Ai shkruan në facebook se Rama është një timonier që ka timon por jo frena dhe që shquhet për “krijimtari” të papërmbajtshme.
Presidenti e etiketon kryeministrin me shprehjen “Ramaforma” e duke qëndruar në këtë pjesë ai kujton se pas pak ditësh mbushen 3 vjet nga miratimi me 140 vota I reformës në drejtësi….
“Duartrokitje dhe puthje të papërmbajtura,” shkruan mes të tjerash Meta në profilin e tij.
Vlen të theksohet fakti se Rama deri tani nuk I ka kthyer asnjë përgjigjë Presidentit pas akuzave të forta se ai po tentonte të kapte shtetin nëpërmjet ndihmes nga miliarderi Soros dhe ambasadoret e huaj.
Mirëmëngjes të dashur qytetarë!
Reforma apo Ramaforma? Kjo është çështja. Po çfarë është Ramaforma? Përgjigje e thjeshtë: Zbatimi ”krijues” i Reformës.Timonieri ynë ka timon por s’ka frena, dhe si i tillë shquhet për “krijimtari” të papërmbajtshme.
Pas pak po e nisim me Kryereformën në drejtësi meqënëse pas pak ditësh nisim festimet për 3-vjetorin e miratimit të saj me 140 vota, duartrokitje dhe puthje të papërmbajtura.
