Pedagogët në rrethe edhe këtë të mërkurë ishin të përçarë për protestën.
Në Universitetin “Fan Noli” në Korçë, mësimi u zhvillua deri në orën 10:00 e më pas një pjesë e vogël e mësuesve bojkotuan auditorët. Ata thanë se përçarja ka ardhur për shkak të presionit të qeverisë.
1- Kam dal ne proteste per te drejtat e mija. Ftoj ata qe s;kane frike te dalin ketu. Ky eshte mentalitet komunist. Profesoret kudo jane te pasur ne bote. Vetem ketu jane te varfer.
2-Ne jemi ketu perballe sheshit. Eshte lene ne ndërgjegje te pedagogeve. Kane frike. Jane skeptik. Ky eshte realiteti, me teper sesa pjesa e vettingut.
Mësimi u bojkotua edhe në Fakultetin e Teknologjisë së Informacionit në Durrës. Të vendosur për të çuar deri në fund kërkesat e tyre, pedagogët, thanë se çdo të ardhur financiare e kanë të deklaruar dhe nuk stepen nga deklaratat e kryeministrit.
Presion te drejtperdrejte nuk kemi pasur. Por deklarata e kryeministrit perben problem. Ne jemi te bashkuar.
Edhe pse të pakët në numër, të njëjtin qëndrim mbajtën dhe pedagogët e Fakultetit të Shkencave Humane në Elbasan. Sipas tyre, peticionin e sindikatës e kanë firmosur më shumë se 60% e trupës akademike e për këtë arsye qeveria duhet të ulet e negociojë, pasi po dëmtohen studentët.
Presim nje zgjidhje. Studentet po presin te zhvillojne mesim. Ne kemi nevoje per mbeshtetje. Ky eshte nje sulm.
Vetë studentët shprehen se e respektojnë protestën e pedagogëve, por kërkojnë të mos cenohet procesi mësimor.
1-Jo po presim ende per mesimin.
2-Jo s’kemi bere mesim.
Nga ana tjetër, në Gjirokastër mësimi u zhvillua normalisht pasi vetëm katër pedagogë kërkuan bojkot. Mësim normalisht u zhvillua dhe në universitetin e Vlorës.
