Kreu i PR, Fatmir Mediu gjatë një takimi me strukturat e Njësisë Nr.4 në Tiranë tha se shqiptarët duhet të marrin në dorë fatin e tyre, të bashkohen kundër varfërisë, papunësisë, korrupsionit dhe krimit të lidhur me qeverinë Rama.

 

Të bashkohemi kundër të keqes, kundër antishqiptarizmit dhe antieuropianizmit, të bashkohemi në çdo shtëpi, lagje e qendër votimi, të ndeshemi me grupet kriminale të Ramës, që do të rremuje lirinë tonë për të vendosur me votë.

 

Sipas kryerepublikanit, 25 Prilli është dita e kthimit të Shqipërisë në rrugën Europiane.

 

Është dita e përgjegjësisë kombëtare, është dita ku duhet të tregojmë qartë se Europa dhe Amerika janë aleatët tanë dhe jo Serbia dhe interesat antishqiptare. Si parti e besimit në shërbim të familjes, të së drejtës, pronës private dhe Kombit, kemi bindjen se do ndërtojmë Shqipërinë që duam, Shqipërinë Europiane.

 

Mediu shtoi se Partia Republikane po përcakton kandidatët e saj në të gjitha zonat elektorale.

 

 

Partia Republikane si forca e dytë e së djathtës, është e angazhuar në çdo qendër votimi, për të mbrojtur votën dhe votuesit, për të bashkëpunuar me opozitën, për zgjedhje të lira dhe të ndershme, si dhe për të garantuar suksesin e saj politik dhe ektoral.

Leave a Reply

Your email address will not be published. Required fields are marked *