Opozita ka nisur marshimin maratonë drejt pesë institucioneve.
Në fjalën e mbajtur Basha u bëri thirrje protestuesve që t’I bashkohen mashtrimit drejt institucionet, që sipas tij, simbolizojnë krimin në vend.
Basha I ftoi protestuesit që të marshojnë fillimisht drejt Drejtorisë së Përgjithshme të Policisë, e më pas drejt Parlamentit, e Ministrisë së Brendshme e në fund drejt Drejtorisë së Policisë Tiranë.
“Sipërmarrës, të papunë, intelektualë, pensionistë, të gjithë bashkë në një betejë, krah për krah për të çliruar Shqipërinë nga qeveria e krimit. Jemi para selisë së kryeministrit ilegjitim që i ka orët e numëruara dhe do të marshojmë së bashku ne 5 pikat që simbolizojnë institucionet që u ka vjedhur shqiptarëve. Së pari drejt institucionit të kryeministrit, që nuk nxjerr më ligje, më pas drejt Drejtorisë e Përgjithshme e Policisë, me mesazhin se ne duam një polici të ligjit, jo një polici të krimit. Pas kësaj drejt Parlamentit, dhe më pas drejt Ministrisë së Brendshme, ku sundon një njeri që s’njeh kushtetutë dhe ligj, por vetëm një vegël e verbër. Dhe së fundmi aty ku mbahen me pahir vëllezërit dhe motrat tona, në Drejtorinë e Policisë së Tiranës.”
Opozita e ka cilësuar protestën e sotme si të qetë e paqësore, ndërkohë që pavarësisht deklaratave nuk ka munguar hedhja e kapsollave dhe tymueseve drejt institucionit të Kryeministrisë.
