Manchester United tjetër zhgënjim

Tjetër mbrëmje zhgënjyese per Manchester Utd. Ne javën e 21 te kampionatit anglez ne St James Park skuadra e Luis Van Gal u barazua ne fund 3-3 nga vendasit e Njukasell, duke zbritur ne vend te peste ne renditjen e përgjithshme. Për djajtë e kuq nuk mjaftoi Uejn Runi ne një mbrëmje te jashtëzakonshme me dy gola dhe nje asist. Miqtë e filluan mire takimin kur kapiteni i tyre Uejn Runi shënoi qe ne minutën e 9. Ishte po ky lojtar protagonist ne golin e dyte kur i dhuroi nje top Lingard qe ne minutën e 38 dyfishoi shifrat. Por tre minuta nga përfundimi i pjesës se pare te zotet e shtëpisë u futen përsëri ne loje, kur Wijnaldum ngushtoi diferencën e golave. Ne minutën e 67 gjithçka u kthye ne baraspeshe, kur serbi Mitrovice shënoi golin e dyte per vendasit nga pika e bardhe e penalltisë. 11 minuta nga fundi Uejn Runi kaloi per here te dyte ne avantazh skuadrën e tij, ndërsa u mendua qe ketë radhe skuadra e Van Gal do te largohej me tre piket. Por edhe njëherë futbolli anglez prodhoi te pabesueshmen kur Dumet ne minutën e 90 vulosi shifrat 3-3, duke i dhëne nje pike te arte skuadrës qe noton ne ujerat e turbullta te rënies nga kategoria. Nje barazim qe e zbret ne vend te peste Manchester United qe tashme parakalohet edhe nga Uest Hem i Slaven Bilic fal fitores ne Bornemuth 3-1.