Për herë të parë publikisht, Liam Payne ka dhënë deklaratën e tij më të bukur ndaj të dashurës së tij, duke e quajtur vajzën e ëndrrave që të gjithë do të donin ta kishin.
Që në momentin e parë që u panë, mes tyre pati një shkëndijë ndjenjash aq sa mund të quhet një dashuri me shikim të parë. Fillimisht ata u takuan në audicionet e “X Factor”, ku Liam konkurronte ndërkohë që Cheryl kishte një karrierë të gjatë në muzikë.
“Natyrisht unë kam të dashurën më të bukur në botë dhe ajo është absolutisht e mrekullueshme. Ajo ka qenë vajza e ëndrrave të mia që kur isha i ri”,- është shprehur këngëtari për revistën Rollacoaster.
“Ajo është një idhull për mua dhe më ka ndihmuar kaq shumë. Cheryl është e mrekullueshme dhe ne jemi më të lumtur se kurrë”.
Që prej vitit 2015 ata janë duke shijuar një dashuri të mbushur me romancë dhe së shpejti do të sjellin në jetë një fëmijë.
Ngjarja më e re në historinë e tyre ishte shpërngulja e këngëtares së hitit “Parachute” në rezidencën e partnerit të saj, duke nisur kështu bashkëjetesën. Padyshim Cole duhet të ndihet shumë me fat që Liam nga një fans dhe adhurues i saj u kthye në të dashurin perfekt që vazhdon ta adhurojë edhe më shumë me kalimin e kohës.
