Lëvizja Diaspora për Shqipërinë e Lirë kërkon mundësimin e votës së shqiptarëve që jetojnë jashtë vendit, vetëm disa ditë pasi afati i caktuar nga Gjykata Kushtetuese ndaj Kuvendin për të miratuar këtë ndryshim në Kodin Zgjedhor, ka përfunduar. Në njoftimin e publikuar bëhet me dije se kryetares së Kuvendit, Lindita Nikolla i është dorëzuar një draft me ndryshimet ligjore si dhe me kërkesën për nisjen e proçedurave ligjore për votën e diasporës.
Palët politike në Shqipëri nuk kanë mundur të gjejnë gjuhën e përbashkët për miratimin e disa reformave të rëndësishme në vend, një ndër të cilat edhe ndryshimet në Kodin Zgjedhor, ku përfshihet vota e diasporës./vizionplus.tv/
