Me 77 vota pro, 19 kundër dhe 3 abstenim Kuvendi ka miratuar projektligjin për Korporatën e Investimeve shqiptare.
Pavarësisht debateve tëq shumta të zhvilluara në seancën e kësaj të enjteje për këtë projektligj, mazhoranca vendosi që të miratonte.
Nga ana tjetër, me 79 vota pro, 20 kundër dhe 3 abstenim Kuvendi miratoi ligjin për Buxhetit Faktik të vitit 2018.
Ndërsa ligji “Për masat shtrënguese ndërkombëtare në Republikën e Shqipërisë”, u votua me 83 vota pro, 4 kundër e 4 abstenim.
Në seancën e kësaj të enjteje mungont kryeministri Edi Rama I cili ndodhet në Bruksel, në pritje të vendimit të Këshillit të Europës për negociatat.
