Lajme të paqarta në lidhje me rezultatin e analizave për Covid-19 brenda kombëtares shqiptare.
Fillimisht raportimet në disa media mbi daljen pozitiv të 2 lojtarëve. Kjo bëri që përfaqësuesit e zyrës së shtypit të nxjerrin një njoftim ku deklaronin se tre lojtarë nuk do të nisen drejt Bjellorusisë, konkretisht Ramadani, Memolla dhe Ismailaj. Kjo për shkak se këta futbollisti janë të dëmtuar.
Mirëpo po nga zyra e shtypit në FSHF u shpërnda i njejti lajm ku thuhej se këta lojtarë kishin rezultuar pozitiv ne testet për Covid-19.
Informacionet kontradiktore sollën kaos edhe në lajmet që qarkulluan në portale dhe media.
Kjo gjë solli një tjetër reagim të FSHF ku përgenjeshtroheshin lajmet se lojtarë të kombëtares ishin infektuar me koronavirus duke e shoqëruar reagimin edhe me rezultatet e testeve për lojtarët Memolla dhe Ramadani.
Asnjë lojtar i kombëtares, pjestar i stafit apo anëtar i delegacionit nuk ka rezultuar pozitiv. Bashkëngjitur edhe testet e futbollistëve të përmendur.I bejme thirrje medias te distancohen nga keto lajme te paverteta dhe nga kjo praktike aspak profesionale. Më poshtë përgjigjet për Ramadanin dhe Memollën.
Mirëpo edhe në këtë rast dyshimet vijojnë dhe përgënjeshtrimi ka paqartësi pasi nuk është publikuar rezultati I tamponit për mbrojtësin Ardian Ismailaj.
I gjithe ky konfuzion ne informacion do te sheshohej duke publikuar edhe pergjigjen e analizes se Ismailajt ne nje kohe qe kuqezinjte do te udhetojne sot drejt Bjellorusise per te luajtur ndeshjen e pare te Liges se Kombeve ne 4 shtator ne Minsk.
