Mbledhja e kryesisë per analizën e humbjes se zgjedhjeve ne PD ka shënuar perballjen e pare te kreut te PD Lulzim Basha dhe kundërshtareve te tij, qe pas rizgjedhjes se ne krye te Partisë Demokratike.
Vete kreu i PD Basha ka kërkuar bashkim te demokrateve. Mësohet se ai ka deklaruar se sulmet ndaj njeri tjetrit i shërbejnë vetëm Edi Rames dhe çdo sulm pa fakte, me hamendesime ndaj PD dhe lidershipit, nje sherbim qe me vetëdije qe i behet Edi Rames.
Basha ka premtuar ndryshime ne statut per reformimin dhe demokratizimin e partisë, duke theksuar se PD duhet te bashkohet per betejat qe e presin ne te ardhmen. Por nje prej kundërshtareve te Bashes, Arben Imami ka theksuar se është i hapur per bashkim, por Basha duhet te japë prova qe ta besojnë demokratet.
Mbledhja ka pasur edhe momente tensioni kur Jemin Gjana është përplasur me sekretaren per organizatat partnere Valbona Mezinin, pjese e grupit te kundërshtareve te Bashes dhe Gjana ka tentuar ta sulmoje fizikisht.
