Kryetarja e LSI-së Monika Kryemadhi ka përshëndetur qëndrimin e delegacionit të BE-së në Shqipëri ndaj deklaratës së kryeministrit Edi Rama për legalizimin e kanabisit për arsye mjekësore.
Sipas saj, ky është një dezinformim nga Rama duke keqpërdorur imazhin e BE për të justifikuar rikanabizimin e vendin me qëllime elektorale.
“@EUinAlbania për distancimin e qartë nga fushata dizinformuese e @Ediramaal në keqpërdorimin e imazhit të BE për të justifikuar rikanabizimin e vendit për efekt elektoral. Sot në ditën e Evropës dhuna shtetërore nuk kurseu shoqërinë civile, e cila protestonte ndaj aktit korruptiv të pastrimit të parave në dëm të trashëgimisë kombëtare.”
Po ashtu, Kryemadhi ka dënuar edhe dhunën e ushtruar në protestën e shoqëisë civile që u zhvillua këtë të shtunë në sheshin Skënderbej.
“Populli shqiptar kërkon e meriton jetesë me standarte të BE, ndaj inkurajojmë më shumë qëndrime të tilla me vlerë për opinionin publik dhe besimin e tyre te institucionet e pavarura të BE. Bashkë të luftojmë dezinformimin dhe ti sigurojmë shqiptarëve një qeveri përtej propagandës, që realizon 15 kushtet e integrimit dhe çon përpara ëndrrën evropiane”.