Qeveria e Libisë e mbështetur nga OKB deklaroi se 21 persona janë vrarë dhe 27 të tjerë kanë mbetur të plagosur si rezultat i luftimeve pranë kryeqytetit Tripoli.
Sekretari amerikan i Shtetit Mike Pompeo ka bërë thirrje për ndalimin e menjëhershëm të luftimeve dhe nisje të bisedimeve mes palëve.
Sipas BBC, forcat e drejtuara nga gjeneral Khalifa Haftar kanë përparuar nga lindja me qëllim marrjen e kryeqytetit të Tripolit.
Kryeministri Fayez al-Serraj ka akuzuar gjeneralin për grusht shteti ndërsa është shprehur se nuk do ta lejojë përparimin e ushtrisë së tij.
Forcat e gjeneralit Haftar thanë se gjatë luftimeve kishin humbur 14 luftëtarë.
Më herët OKB-ja apeloi për një armëpushim dy-orësh, kështu që viktimat dhe civilët mund të evakuoheshin, por luftimet vazhduan.