Presidenti i Bjellorusisë, Alexander Lukashenko shkoi këtë të hënë në Rusi, ku u takua me homogun e tij rus, Vladimir Putin. Ai kërkoi mbështetje nga lideri rus, pas trazirave dhe protestave të vazhdueshme në Minsk.
Fati i liderit bjellorus është në duart e Putin, pasi ai përballet me krizën më të rëndë të 26 viteve të tij në pushtet. Mbështetja ekonomike dhe ushtarake nga Moska mund të ndihmojë në heqjen e ekuilibrit në favor të tij.
Opozita bjelloruse akuzon Lukashenkon për manipulimin e zgjedhjeve presidenciale të gushtit, të cilat ai thotë se i fitoi me 80% të votave. Që nga ajo kohë, mijëra njerëz janë arrestuar dhe pothuajse të gjithë udhëheqësit kryesorë të opozitës janë prangosur, dëbuar ose detyruar të largohen nga vendi.
Të paktën 100 mijë protestues dolën në rrugët e kryeqytetit Minsk të dielën. Policia tha se ata arrestuan 774 persona.
