Krimi që tronditi Francën! I riu nervozohet nga loja online, del në rrugë dhe vret 11-vjeçaren
Një ngjarje e rëndë ka tronditur Francën.
Një 23-vjeçar ka sulmuar dhe më pas ka vrarë një 11-vjeçare. Por njësoj sa vetë krimi edhe detajet e ngjarjes janë mjaft tronditëse.
Siç raportojnë mediat franceze, 23 vjeçari Owen L. u përlesh me një kundërshtar në lojën online Fortnite mbrëmjen fatale të 7 shkurtit.
Ai ka deklaruar se pas përleshjes është larguar nga shtëpia e tij për t’u “qetësuar”, ku në shkresa thuhet se “ka dalë nga shtëpia duke kërkuar dikë që të vjedhë për t’u qetësuar”.
Gjatë rrugës, në një pyll në qytetin e Savigny-sur-Orge, ai takoi aksidentalisht 11-vjeçaren Louise, e cila po kthehej në shtëpi. Më pas ai i kërkoi ndihmë me pretekstin se i kishte humbur një objekt.
Më pas , 23-vjeçari ka nxjerrë një thikë dhe ka kërkuar që e mitura t’i jepte të gjitha paratë që kishte me vete. Kur ajo reagoi dhe filloi të bërtiste, vrasësi e hodhi në tokë dhe “e goditi disa herë me thikë”.
Pas krimit, 23-vjeçari është kthyer në shtëpi me gërvishtje dhe lëndime të lehta nga reagimi i Louise. Aty dyshohet se ai ia ka rrëfyer krimin partneres së tij, e cila sipas informacioneve i ka kërkuar që të tregojë gjithçka tek autoritetet.
Autoritetet arritën te 23-vjeçari pasditen e së hënës përmes ADN-së së tij , e cila u zbulua se ishte identike me materialin e gjetur në trupin e Louise fatkeqe, ndërsa provat rënduese përfshinin dëmtimet që kishte marrë nga vajza kur luftoi për jetën.
Të afërm dhe miq të 23-vjeçarit e cilësojnë atë si “nervoz” dhe të dhunshëm, duke raportuar se në të kaluarën kishte sulmuar edhe motrën e tij të vogël.
/vizionplus.tv
Le suspect, Owen L., 23 ans, aurait été pris d’un violent accès de colère après avoir longuement joué aux jeux vidéo le jour du meurtre de Louise, 11 ans.
→ https://t.co/rAgbPIFUb1 pic.twitter.com/NwEUsNoDsa— Le Figaro (@Le_Figaro) February 12, 2025
