Krimi përgjaku muajin maj
Muaji maj solli një bilanc të rënduar sa i takon vrasjeve dhe atentateve mafioze. Ekzekutimet nuk munguan nga veriu në jug, ku grupet kriminale eliminuan kundërshtarët mes tyre.
Deri në tani janë shënuar 6 të vrarë, ndërkohë vrasjet mafioze janë 4. Ngjarjet më të rënda kriminale ndodhen në qytetet ku bandat kanë kontroll të fortë si në Elbasan, Shkodër dhe Vlorë.
Më 10 maj, Bledar Birçaj u ekzekutua në qytetin bregdetar, teksa po lëvizte me mjetin e tij. Ai mbeti i vdekur në vend si pasojë e plumbave të marra.
Në automjet ishin dhe dy persona të tjerë që fatmirësisht i shpëtuan plumbave. Pista kryesore e hetimeve është përplasja trafikun e drogës në Spanjë.
Një ditë më pas, krimi i radhës u shënua në Elbasan, ku u eliminua Everest Çaka. Ai ishte në automjet me bashkëshorten e tij, kur u qellua disa here me pistoletë me silenciator. Çaka sapo ishte kthyer nga Gjermania dhe vrasja besohet se lidhet me çështjet e narkotikëve.
Shkodra ishte qyteti për viktimën e radhës. 32-vjeçari Endri Mustafa u gjet i vrarë në zonën e Livadheve. Ai ishte vratë me gjashtë plumba. Policia shpalli në kërkim si autor Ibrahim Licin, ndërsa në pranga ra edhe një 15-vjeçar.
11 ditë pas vrasjes së Bledar Birçajt, krimi goditi sërish në Vlorë. 38-vjeçari Delon Troqe u qëllua me breshëri kallashnikovi në sy të familjarëve. Ashtu si Birçaj edhe Troqe ishte kthyer para pak kohësh nga Spanja.
Bilanci i muajin maj u rëndua edhe me vrasjen e Mehmet Qemës, i cili u qëllua aksidentalisht nga shoku i tij Marjus Dema, si dhe Liljana Buzo e cili u qëllua për vdekje me armë zjarri nga burri i saj në derën e gjykatës së Elbasanit.
