Një ngjarje e rëndë është regjistruar mesditën e kësaj të premte në Fushë-Arrëz, ku një 19-vjeçar është plagosur me thikë.
Policia bën me dije se i riu është dëmtuar nga babai i tij Anton Mardodaj, i cili është shoqëruar në komisariatin e policisë për tu marrë në pyetje.
I riu është dërguar për mjekim në spitalin e Pukës, ndërsa mësohet se është jashtë rrezikut për jetën.
Grupi hetimor po punon për zbardhjen e rrethanave të ngjarjes.
“Mesditën e sotme, menjëherë pas marrjes së njoftimit, se në fshatin Fushë Arrëz, ishte dëmtuar me mjet prerës një 19-vjeçar, shërbimet e Policisë kanë shkuar menjëherë në vendin e ngjarjes.
Nga veprimet e shpejta të shërbimeve të Policisë është kapur dhe shoqëruar në Komisariat, shtetasi A. M., rreth 55 vjeç, pasi dyshohet se ka dëmtuar me mjet të mprehtë (thikë), djalin e tij 19 vjeç, i cili është dërguar në spital, për ndihmë mjekësore, në gjendje jashtë rrezikut për jetën”, njofton policia./vizionplus.tv
