Zbulimi i kutive te zeza te avionit te kompanisë EgyptAir me 66 persona ne bord te rrezuar ne Detin Mesdhe është prioriteti kryesor per hetuesit e kesaj tragjedie, pasi ato do te hedhin drite për ngjarjen. Ndonëse kërkimet vazhdojnë, ato nuk janë gjetur ende. Nje dite me pare, ushtria egjiptiane publikoi pamje te pjesëve te gjetura te avionit, jelekëve te shpëtimit dhe sediljeve. Edhe pse asnjë trup nuk është zbuluar, ceremonitë përkujtimore jane zhvilluar ne disa vende per viktimat e tragjedisë. Ekspertet franceze njoftuan se pak përpara rrëzimit te avionit ka patur nje zjarr ne tualetin e tij. Sistemi i raportimit dhe komunikimit te aviacionit ka marre sinjale per aktivizimin e alarmit te zjarrit, disa minuta përpara se avioni te dilte nga radarët dhe te rrezohej. Sipas ministrit te Jashtem francez Jean-Marc Ayrault po hetohet te gjitha hipotezat, ndersa egjiptianet këmbëngulin se behet fjale per nje akt terrorist. Disa vende kane shprehur angazhimin per përfshirjen ne hetimin e rrëzimit te avionit. Presidenti egjiptian Abdel Fattah al-Sisi deklaroi se hetimi i plote i kesaj ngjarjeje do te kërkoje kohe.

Leave a Reply

Your email address will not be published.