Kreu i FRPD-së, Belind Këlliçi e konsideron të papranueshme dhe të turpshme gjuhën e kryeministrit Edi Rama në daljen e sotme për mediat.
Këlliçi shkruan se fjalori i rrugës që përdori ndaj kandidatëve të PD dhe LSI nuk e bëjnë dot burrë.
Sipas tij, fjalët e Ramës sot janë një turp i madh për politikëbërjen në Shqipëri dhe imazhin e vendit tonë.
“E papranueshme që kryeministri të degradojë në gjuhë urrejtjeje dhe poshtërimi, me etiketime seksiste kundër zonjave kundërshtare politike të tij. E gjitha kjo vetëm dy ditë pas 8 marsit. As fotot që kishe zgjedhur e as fjalori i rrugës nuk të bëjnë dot burrë, e më i trishtueshëm është fakti që sjellje të tillë e bëje përpara grave. Kultura e Bullizmit në fushatën e Ramës sot ka qenë e turpshme. Sjellje të tilla dënohen në të gjithë botën dhe nuk janë pjesë e ligjërimit publik. Por mesa duket ky je ti dhe kaq di të bësh. Ke marrë fund.”