Ushtria izraelite njoftoi sot se ka zbuluar qindra hyrje tunelesh mbi tokë dhe më shumë se 300 tunele nëntokësore në zonën Khan Yunis të Rripit jugor të Gazës dhe do të vazhdojë të kërkojë dhe shkatërrojë rrjetin e tuneleve.
“Terroristët u vranë gjithashtu” gjatë operacioneve, thanë forcat e armatosura izraelite në kanalin e tyre Telegram.
Pengjet izraelitë u mbajtën në një tunel nën Khan Yunis, i cili duket se ka qenë i shtrenjtë për t’u ndërtuar, sipas ushtrisë izraelite.
“Për hapjen e tunelit dhe pajisjen e tij me sisteme ventilimi, elektrike dhe hidraulike vlerësohet se janë investuar miliona”, shtoi i njëjti burim.
Një rrjet i tërë tunelesh shtrihet për shumë kilometra nën Rripin e Gazës.
Për t’i bërë ballë bombave izraelite, disa prej tyre janë dhjetëra metra të thellë.
Terroristët përdorin gjithashtu tunelet për t’u shfaqur dhe për të sulmuar ushtarët, tha ushtria izraelite. /vizionplus.tv
