Zemërimi i lojtarëve të Bayernit për vendimet e padrejta të gjyqtarit Viktor Kasai kanë prodhuar edhe incidente në dhomat e zhveshjes së “Santiago Bernabeut”.

 

Kiliani Arturo Vidal, polaku Levandovski dhe Thiago Alkantara kanë qënë më të papërmbajtshëm në raport më shokët e skuadrës teksa kanë tentuar të futen edhe në dhomat e zhveshjes së gjyqtarëve hungarez.

 

“Marca” shkruan se tre lojtarët e Bayernit kanë lëshuar një lum me sharje dhe kërcënime ndaj gjyqtarit Kasai dhe asistenteve te tij, madje tentuan të hyjnë me force brenda në dhomën e zhveshjeve. Vetëm ndërhyrja e policisë ka shmangur incidente më të rënda mes palëve. Nuk përjashtohet edhe nisja e nje procedimi nga Uefa kundrejt klubit gjerman dhe në veçanti Thiagos, Vidal dhe Levandovskit për ngjarjet pas ndeshjes ne Santiago Bernabeu.

 

Viktor Kasai akordoi një karton të kuq te padrejte për Vidal në minutëne 84 dhe në shtesë Ronaldo shënoi dy gola të parregullt në pozicion jashtë loje. Por veç tre gabimeve në favor të Bayernit, Kasai gaboi edhe në një rast në dëm të Realit, teksa në rastin e autogolit të Sergio Ramos, ishte Levandovski në pozicion jashtë loje.

Leave a Reply

Your email address will not be published. Required fields are marked *