Zëvendëskancelari austriak, Heinz Christian Strache, ka dhënë dorëheqje pas publikimit të një videopërgjimi, ku shihet duke i ofruar kontrata të qeverisë një manjate ruse, në këmbim të mbështetjes politike.
Videopërgjimi u publikua në dy gazeta gjermane, “Der Spiegel” dhe “Sueddeutsche Zeitung”.
Kjo ngjarje kishte ndodhur më 2017 në Ibiza, disa muaj para se zgjedhjeve parlamentare në Austri, ku Strache u emërua zëvendëskancelar.
Ky skandal ka ngritur spekulimet për të ardhmen e qeverisjes në mes të Partisë së Lirisë të Straches dhe Partisë së Popullit të Sebastian Kurz.
Ndërkohë më poshtë mund të shihni dhe videopërgjimin e publikuar.
