Shërbimet e Komisariatit Nr.4 në Tiranë i kanë ardhur në ndihmë dy turistëve çek të cilët kishin humbur rrugën gjatë eksplorimit në malin e Dajtit, për shkak të terrenit të thepisur.
Mbrëmjen e djeshme, është marrë njoftim se 2 turistë nga Çekia, kishin humbur rrugën gjatë eksplorimit në Malin e Dajtit, dhe si pasojë kishin mbetur të izoluar në terrenin e thepisur të malit.
Pas disa orësh kërkimë është bërë i mundur lokalizimi i turistëve të huaj.
Shërbimet e Policisë i kanë dhënë ndihmën e parë mjekësore, si dhe i kanë pajisur me ushqime dhe me veshje./vizionplus.tv
