Policia e Krujës zbardhi ngjarjen e ndodhur në 17 shkurt në një lokal në Fushë-Krujë, ku u godit me sende të forta në kokë një person.
Gjatë hetimeve, efektivët identifikuan autorin e dyshuar, një 34-vjeçar, i dënuar më parë jashtë vendit për “Trafikim të lëndëve narkotike”.
Ai mendohet se ka bashkëpunuar edhe me disa persona të tjerë, raporton “Vizion Plus”.
Uniformat blu ndaluan edhe një 31-vjeçar, që dyshohet se ka fshehur makinën me të cilën u larguan autorët nga vendi i ngjarjes. Brenda makinës, që u gjet në shtëpinë e tij, u gjetën disa veshje.