Edhe këtë vit, Voskopoja ka mirëpritur garat e vrapimeve në natyre te cilat kane tërhequr atletët më të mirë në vend. Distanca ishte 5 deri në 21 km duke përshkruar kështu një itinerar me rrugë të ndryshme kryesisht malore të një shkalle të lartë vështirësie.
Atleti nga Elbasani Ilir Hyka është fituesi i garës me 5 km.
ILIR HYKA
ATLET
”Mendoj se është një aktivitet i domosdoshëm dhe për trupin. Ishte një garë me rivalitet të madh dhe në fund them se ia dola. Personalisht është hera e dytë që marrë pjesë, vitin e kaluar dola i treti në podium. Ndërsa këtë sezon ia arrita qëllimit.”
Për organizatorin Altin Sholla, garat e vrapimeve në natyrë jane shumë të rendësishme edhe në kushte të tilla pandemie
ALTIN SHOLLA
ORGANIZATOR
”Ky është edicioni i tretë që e praktikojmë këtë aktivitet sportiv. Ndihem shumë mirë për numrin e lartë të pjesmarrëvsve si të huaj apo dhe vendas. Në teori ky duhet është i katërt por për shkak të pandemisë nuk mundëm ”
Në 10 km fitues ishte Andrea Barutin nga Dropulli.
ANDREA BARUTI
ATLET
”Është hera ime e parë që marrë pjesë në një aktivitet të tillë. Ndihem shumë i lumtur që arrita vendin e parë. Terreni ishte pak i vështirë pasi në 5 km e para , terreni ishte malor dhe aty harxhoje shumë energji. Mirëpo pastaj nuk e ndjeje. Jam marrë me sport që kur kam një qënë i vogël, me futboll fillimisht.”
Gara e 21 km nga fillimi deri në fund të saj është dominuar nga kosovari Uran Ahmeti, i cili ka hyrë i vetëm në finishin e kësaj gare, ndërsa nuk kanë munguar dhe atletë të huaj.
Garat e vrapimeve në Voskopojë kanë tërhequr vëmendjen edhe të shumë turistëve, të cilët kanë kaluar fundjavën në fshatin e njohur turistik.
