Banorët e fshatit Dermenas bllokuan sërish rrugën nacionale Fier – Seman, në shenjë proteste ndaj kompanisë qe shtron tubacionet e gazsjellësit TAP.
Banorët pretendojnë se firma u ka shkatërruar rrugën me mjetet e saj të rënda.
Kjo është protesta e dytë që banorët zhvillojnë për aksin që u shërben mbi 40 fshatrave.
Por përmes një njoftimi për shtyp kompania “TAP” u premton banoreve se do të riparojë çdo dëmtim që është shkaktuar nga punimet për ndërtimin e gazsjellësit. Sistemimi i rrugës do të fillojë menjëherë, pasi të përfundojë transporti i materialeve për stacionin e kompresorëve.