Kryeministri Edi Rama mohoi që ish-kryeministri Fatos Nano të futet në garë në zgjedhjet e 25 prillit për t’u bërë deputet. Ai vlerësoi kontributin që Nano ka dhënë kur ishte në krye të PS dhe tani mbrapa.
“Fatos Nano nuk ka nevojë të kandidojë, është lider historik i PS, i ka dhënë PS çka patur për të dhënë, tani jep me zemërgjerësi eksperiencat e tij dhe këshillat e tij kur ne i kërkojmë, siç do bëj edhe unë kur të mos jem kryeministër dhe kryetar i PS. Nuk ka nevojë për audiencë për lajme të tilla”, tha kryeministri për mediat pas përfundimit të Asamblesë së PS.
Rama ju përgjigj edhe pyetjes se cili do të jetë fati i ish-ministrit Ditmir Bushati.
“Dimtir Bushati është një person që ka kontributet e veta, mund të bëjë fare mirë të dyja nga këto, edhe një të tretë që nuk ka lidhje me këto. Çështja e listave do të trajtohet dhe në fund do të kemi jë skuadër që do të na japë një fitore më të madhe se të gjithë bashkë.”
Rama tha se për të përcaktuar listën me kandidatët për deputetë, do të priten vlerësimet nga anëtarësia dhe shprehja e interesit nga kushdo që mendon se mund ta bëjë këtë punë.
