Presidenti i Turqisë, Rexhep Tajip Erdogan foli këtë të shtunë për pandeminë e koronavirusit dhe marrëdhëniet me BE-në.
Gjatë fjalës së tij, lideri turk tha se BE duhet të heqë qafe presionin nga Greqia sa më shpejt që të jetë e mundur.
Ai shtoi se raportet e ngushta mes Turqisë dhe BE-së nuk duhet të jenë peng i lojës së disa vendeve.
“Ne do të vazhdojmë të ecim me vendosmëri drejt qëllimeve tona, duke injoruar vendimet e njëanshme,” tha presidenti turk.
Teksa foli për përhapjen e COVID, Erdogan theksoi se Turqia arriti të përballojë krizën shëndetësore dhe ekonomike.
