Ekzekutohet një person në Kosovë, vrasësi ndodhej në të njëjtën makinë me viktimën

Një person është ekzekutuar me armë zjarri në Kosovë. Sipas policisë atje, autori i dyshuar dhe viktima po udhëtonin së bashku në të njëjtin automjet.

Autori është identifikuar dhe dyshohet se është një shtetas i huaj. Pas krimit, ky i fundit është larguar nga vendngjarja, ndërkohë policia është në kërkim të tij.

“Nga këqyrja e vendit të ngjarjes është konstatuar se bëhet fjalë për vrasje dhe ngritur dyshimi se i dyshuari dhe viktima kanë qenë brenda të njëjtës veturë dhe i dyshuari nga mbrapa  ka shtënë me armë zjarri në viktimën, mashkull i cili për pasojë ka humbur jetën”, thuhet në njoftimin e policisë.