Dalja e parë pubike e liderit të Koresë së Veriut, Kim Jong Un pas 20 ditësh mungesë mori të gjithë vëmendjen e nevojshme. Kjo pasi gjatë këtyre tri javëve nuk ishin të pakta lajmet që qarkulluan për vdekjen e tij.
Por tani qarkullojnë disa teori të tjera se në fakt, ai që doli në publik 20 ditë më vonë mund të mos jetë Kim Jong Un, por sozia e tij. Dyshimet nisën pas disa fotove. Në daljen e fundit, Kim Jong Un dukej më i dobët dhe kishte ndryshime në hundë, flokë, dhëmbë dhe vesh.
Sipas mediave të huaja, hunda e tij tani është pak më e rrumbullakët, dhëmbët më të bardhë e më të ngushtë, ndërsa modeli i flokëve kishte ndryshuar disi.
Ish-deputetja Louise Mensch hyri në debat, duke thënë në “Tëitter”: “Nuk është i njëjti person. Por nuk do ta argumentoj.”
Thashethemet u nxitën nga fakti se kjo nuk është hera e parë që Kim është akuzuar për përdorimin e një sozie në daljet publike.
Në vitin 2017, u publikuan disa foto ku ai dukej bashkë me sozinë e tij në një provë rakete.
Është raportuar se diktatori shpesh udhëton bashkë me sozinë e tij me qëllim që të shmangë tentantivat e vrasjes.
Sidoqoftë, disa besojnë se këtë herë u përdor në publik doli vërtetë sozia e tij pasi Kim Jong Un në të vërtetë ka vdekur.
Por ka edhe të tjerë që besojnë se ai mund të ketë bërë operacione plastike.