18 zyrtarë të lartë janë vënë nën lupën e SPAK përgjatë vitit 2023, mes të cilëve përfshihet edhe ish-kryeministri Sali Berisha. Kjo u konfirmua nga drejtuesi i Prokurorisë së Posaçme, Altin Dumani, i cili raportoi për Këshillin e Lartë të Prokurorisë për rezultatet që ka prodhuar viti që lamë pas.
“Ndaj zyrtarëve të nivelit të lartë për herë të parë janë regjistruar 8 procedime penale me 18 persona në hetim me funksion, ish ministrin e shëndetësisë, ish gjyqtar apeli, kryetarë bashkie, ish kryeministër, ish ministër finance, ish ministër mjedisi, ish prokuror etj”, tha Dumani.
Lexo edhe :
Related Posts
Nga krimi i organizuar dhe korrupsioni, SPAK ka sekuestruar pasuri me vlera marramendëse.
“41 milionë euro është vlera e pasurive të sekuestruara e konfiskuara në vitin 2023. Nga të cilat 54% e zënë pasuritë e konfiskuara në vlerën e 22.5 mln euro dhe 46 % të sekuestruara në vlerën 19 milionë euro”, tha Dumani.
Shqetësim madhor për kreun e SPAK është mungesa e referimeve nga institucionet publike që nuk kallëzojnë rastet e mundshme korruptive brenda vetë institucionit.
“Ka pasur rënie me 40% në 2023, përjashtuar Policinë e Shtetit që ka pasur rolin e saj në referimin e veprave penale të ndryshme. Nuk referojnë në Prokurorinë e Posaçme vepra me natyrë korruptive. SPAK i vetëm nuk mund të adresojë dhe përballojë luftën kundër korrupsionit apo veprave të tjera penale që kryhen nga subjekte që mbajnë funksion shtetëror”, tha drejtuesi i SAPK.
Dumani tërhoqi vëmendjen për përfshirjen e policisë së shtetit në krim të organizuar, duke u shndërruar në pengesë për bashkëpunim të përhershëm.
“Në raste të caktuara, sidomos ato të krimit të organizuar, nuk bashkëpunojmë dot me policinë sepse na rezulton se ka policë të përfshirë dhe është në nivele të larta”, tha Dumani.
Pas mbarimit të mandatit 9- vjeçar, Dumani kërkoi ndryshime ligjore për një mundësi rikandidimi. Ndër problemet që ai renditi rritja e numrit të hetuesve të BKH dhe këshilltarëve ligjorë. Njëherësh ai e konsideroi emergjente që ligjvënësit të rishikojnë rritjen e pragut prej 50 mijë lekësh për hetimet e rasteve korruptive.ruptive./vizionplus.tv
