Një aksident i rëndë automobilistik është regjistruar në rrugën Trebinjë –Pogradec, ku tetë persona kanë mbetur të plagosur, njëri prej të cilëve në gjendje të rëndë.
Aksidenti ka ndodhur rreth orës 20.30 të mbrëmjes, në vendin e quajtur “Varret e grekut”, ku një automjet tip ‘Fuoristradë’ me 8 persona që udhëtonin në të, humbi kontrollin dhe doli nga rruga.
Sipas të dhënave të para, personat e aksidentuar janë të moshës nga 30-35 vjeç.
Të aksidentuarit janë trasportuar për në spitalin e Pogradecit, dhe njëri prej të plagosurve me dëmtime më të rënda pritet që të niset drejt Tiranës për ndihmë të specializuar mjekësore.
Burime pranë ngjarjes thanë se aksidenti ndodhi në kushtet errësirës dhe një furrie shiu që “pushtoi” për disa minuta qarkun e juglindjes.
