Ish-deputeti demokrat Belind Këlliçi në një lidhje me “SKYPE” nga SHBA me emisionin “Quo Vadis” të moderatores Pranvera Borakaj në Vizion Plus, ka paralajmëruar dërgimin e dokumenteve të reja në SPAK për inceneratorin e Tiranës.
I pyetur nga moderatorja Pranvera Borakaj nëse opozita do të bëjë kallëzime të reja në SPAK pas deklaratave të bëra publikisht nga ish-zv.kryeministri Arben Ahmetaj, Këlliçi theksoi se gjithçka është thënë deri më tani është kallëzuar nga ai personalisht.
Ndërsa shtoi se PD ka dokumenta të reja për inceneratorin e Tiranës të cilat do të depozitohen në SPAK së shpejti.
Pjesë nga biseda:
Pranvera Borakaj: Meqënëse prokuroria deri tani nuk ka patur ndonjë prononcim lidhur me deklaratën e ish-zv.kryeminsitrit, a do të kërkoni ju një hetim nga ato deklarata?
Belind Këlliçi: Pranvera gjithçka që zv-kryeminsitri ka thënë është denoncuar nga unë dhe PD. Gjithçka që ai ka thënë ndodhet e depozituar me fakte në SPAK, i kam firmosur unë. Janë depozituar 1200 faqe dokumente, që përfshijnë Erjon Veliajn dhe drejtues të tjerë të shtetit. A ka apo jo vullnet SPAK-u për t’i shkuar deri në fund kësaj, deri tani po shohim se nuk ka, madje po bëjnë të lkundërtën po mundohen ta mbulojnë këtë aferë.
Pranvera Borakaj: Ka dokumente të tjera që do t’i depozitoni në SPAK.
Belind këlliçi: Patjetër, me kënaqësinë më të madhe. Kam parë pak minuta më parë një deklaratë të kompanisë zviceriane e cila ka distancuar veten nga projekti i inceneratorit të Tiranës, ku çuditërisht ata e distancojnë veten fiks në nëntor të vitit 2023, fiks në periudhën kur unë kam denoncuar arrestimin e Karlos Sanchez Hernandez në SHBA, që ishte personi që do të financonte mbi 100 milionë euro inceneratorin e Tiranës. Pa merak ka dokumente te reja, do të bëjmë të dhëna të reja publike.
/Vizionplus.tv/
