Gjirokastra
Si rrallë herë, mëngjesi i së mërkurës e ka gjetur Gjirokastrën te zbardhur nga dëbora.
Të gjitha rrugët në qytet jane mbuluar nga bora duke krijuar jo pak veshtiresi.
Aksi nacional Gjirokastër-Tepelenë është e bllokuar ne oret.
Ndërkohe disa fshatra te thelle ne zonën e Përmetit janë krejtësisht te izoluar pasi trashesia e debores ka shkuar ne 40 centimetra.
Korçë
Reshjet kanë sjellë probleme e vështirësi në qarkullimin rrugor në të gjithë juglindjen.
Me përjashtim të aksit rrugor Kapshticë-Korçë-Pogradec ku levizja e mjeteve behet pa zinxhire segmente të tjera të zonave të larta malore kanë probleme dhe përdorimi i zinxhirëve është i domosdoshëm.
Mësohet se fshtrat e Vithkuqit, Lekasit në rethin e Korçës dhe ato të Dardhasit e Velçanit në Pogradec janë pothuajse të izoluara.
Elbasan
Reshje dëbore u regjistruan edhe në Elbasan. Sipas shtabit të emergjencave problematike mbetën zonat malorë të rrethit të Librazhdit si dhe ato të Gramshit.
Rrugët nacionale janë të kalueshëm ndërsa segmenti Librazhd -Steblevë kalohet me zinxhir. Fshtra te bllokuar raportohen edhe ne malesite e Gramshit.
Ky mëngjes ka gjetur të zbardhur Shkodrën, me reshjet që kanë vazhduar gjatë gjithë natës. Trashësia e borës në qytet arrin në 15 cm. Bashkia Shkodër ka marrë masat për pastrimin e borës me 5 fadroma në qytet. Dy fadroma kanë filluar punën në dispozicion për rrugën e Prekalit.
Sipas shtabit te emergjencave janë pastruar të gjitha hyrjet e shkollave, ndërkohë që vijon puna në të gjitha akset e qytetit me fadroma dhe me hedhjen e kripës për të krijuar lehtësi në lëvizjen e banorëve.
Rreshje të dendura Dëbore në gjith teritorin e Dibrës.Trashësia e dëbores arin ne 35 -40 cm disa zona si Selishte,Lura,Sllova , Kala e Dodës dhedisa fshatra të Melanit.
Në qytetin e Peshkopisë trashësia është 15 cm. Akset nacionale ,Peshkopi -Tiranë , Peshkopi -Kukës dhe Ura e Çerenecit Librazhd janë të kalueshme me zinxhirë.
Rrugët rurale që lidhin Peshkopinë me njësite administrative pjesërisht funksionale.ndërsa Lura Selishta dhe një pjese e madhe e fshatrave të Melanit janë të bllokuara .
Si pasojë e reshjeve të borës nuk është zhvilluar mësim në shkollën 9-vjeçare të Bellovës. Në këtë shkollë të bashkuar mësojnë rreth120 nxënës të 4 fshatrave Bellovë, Rabdisht, Zagrad dhe Cerjan
Diber
Situata paraqitete veshtire në Dibër pas reshjeve të dendura të dëborës. Gjysma e fshatrave të këtij Qarku mësohet se janë të bllokuar. Lura, Kalaja e Dodës, Arras Selishtë, Ostren dhe Trebishti kane humbur komunikimin me zonat urbane.
Buqize
Bora ka paralizuar edhe verilindjen. I ftohti i acarte ka krijuar probleme me qarkullimin e mjeteve për shkak të akullit.
Nderkohe ne shkollat e Pukes dhe ne disa qytete te tjera te vendit mësimi është pezulluar për shkak te bores dhe te ftohtit.
