Zgjedhja e kreut të ri të SPAK, Klodian Braho, dhe puna e kreut në detyrë Altin Dumani, shkaktoi debat të fortë në studion e Quo Vadis të moderatores Pranvera Borakaj në Vizion Plus mes të ftuarve.
Për këshilltarin e majtë në Bashkinë e Tiranës, Alfred Muharremi, Dumani ka bërë një punë mjaft të mirë, ndërsa theksoi se shpreson që të hetohet 21 janari.
Deklaratë e cila solli menjëherë reagimin e fortë të kryetares së PD Dega 9, Eda Grimci, e cila tha se të vetmin përgjegjës për 21 janarin, PS e bëri deputet.
Pjesë nga debati:
Borakaj: A solli Dumani një ndryshim?
Muharremi: Që solli ndryshim, solli.
Grimci: Ra perceptimi nga drejtimi i zotit Kraja te zoti Dumani, ra perceptimi i drejtësisë.
Muharremi: Në ç’kuptim? Se akoma s’ka përfunduar.
Grimci: Ne po flasim për SPAK.
Muharremi: Janë 5 personazhe VIP në periudhën e Dumanit.
Grimci: Kur erdhi zoti Dumani, nga të gjithë ne pati një pritshmëri të lartë; mënyra se si u trumbetua ai, populli kishte pritshmëri të lartë për punën e zotit Dumani. Por përveç disa deklaratave me zë burri, e pati jo shumë të lartë rezultatin.
Muharremi: Ky është opinioni juaj.
Grimci: Ky nuk është opinioni im, është perceptim publik.
Muharremi: Ne e lavdërojmë punën e Dumanit. Reforma në drejtësi ka qenë vullnet i PS. Sot kemi një drejtësi të pavarur. Për këtë i kemi larë duart.
Grimci: Jo, nuk i keni larë duart, zoti Rama po e godet.
Muharremi: Për SPAK ka një perceptim që edhe i pandëshkueshmi nuk po ndëshkohet. Ne nuk biem dakord me krahun opozitar, se këta janë për shkrirjen e SPAK. Kur atakohen këta, SPAK është i keq. Kur SPAK i prek këta, duan ta shkrijnë. Për ata që në SPAK janë pjesë e PS, këta e përdorin për populizëm. Unë uroj dhe shpresoj që 21 janari, një protestë me gjak…
Grimci: Mezi pres të hetohet 21 janari. Gardisti deputet nuk po hetohet akoma. Komandanti i grupit të zjarrit, deputet i PS.
Minga: Ka qenë në krah tjetër ai, duhet të dëgjosh zotin Berisha kur del nga SPAK.
Grimci: Të këshilloj të gogëllosh, se unë përveç babit tim dëgjoj vetëm Sali Berishën.
